ПЧЕЛАР.мк

Пчелините производи имаат соодветна пазарна цена. Пазарната цена е диктирана пред се од понудата и побарувачката но и од квалиеттот на производот , амбалажирањето, рекламирањето  и т.н. Пчеларот треба да настојува цената на производство по единица производ на одреден пчелин производ да биде што пониска.

Доколку цената на чинење по единица производ е пониска од пазарната цена, пчеларот ќе остварува профит, ако е еднаква со пазарната цена ќе ги покрива само трошоците, а доколку цената на чинење на производот е повисока од пазарната цена тогаш пчеларот ќе работи со загуба. Обично во нашата практиката во цената на чинењето на производот не се калкулира цената на трудот што е сосема погрешно. Бидејки доколку се работи со загуби а вложениот труд не е вкалкулиран, значи дека освен материјални средста неповратно се губи времето и енергијата кои доколку се насочат во некоја друга дејност би дале позитвни економски ефекти.
Меѓутоа доколку се сака да се остане во пчеларството треба да се утврдат причините поради кои се јавува загубата и со соодветни активности и мерки да се влијае на продуктивноста ,економичноста и рентабилноста на пчеларското производство со што би се остварил профит.