ПЧЕЛАР.мк

Како последица на климатските и другите природни фактори за кои поконкретно пишувавме на територијата на република    Македонија се застапени три основни климатски типа:

Изменето- средоземноморска за кои е карактеристично топлото влијание од Егејското Море кое навлегува по речното корито на реката Вардар кон север.

Се карактеризира со топли суви лета и благи врнежливи зими, есента е подолга и потопла од пролетта која е покуса и посвежа.Ветровите кои дуваат во овој климатски тип е Вардарецот и Југото.
Умерено континенталната клима се карактеризира со струење на  студени воздушни маси од север во зима и топлите воздушни маси кои навлегуват од југ во летото.
Ова клима е застапена во Пелагонија ,Преспа,Кичевско,Овче Поле,Кумановско,Славиште и во Малешевијата.
Во котлините со умерено-континентална клима кои се заштитени од студрните воздушни струења се карактеризираат со топли лета и поблаги зими.Ова клима е позната како Жупска клима и е застапена во Полошката и во Дебарската Котлина.
Есента вообичаено е подолга и потопла од пролетта.
Планинска клима е застапена на оние планини во Mакедонија кои имаат над 1000 м надморска височина.На планините температурата се намалува во зависност од висината, а врнежите на поголемите надморски висини се зголемуваат.
Пласнинската клима се карактеризира со долги студени и снежни зими и кратки и свежи лета а пролетта е пократка и посвежа од есента.