ПЧЕЛАР.мк

Медот пчелите го произведуваат од нектарот. Нектарот е слатка водена течност која ја лачат билните жлезди нектарии.Ги содржи скоро сите состојки кои се во медот но многу поразредени. Во нектарот има 40 до 60% вода а остатокот се шекери минерали и други состојки.

За да можеме да го центрифугираме медот собран во медиштата , влагата во него не треба да биде поголема  од   10 до 20 % .

Меѓутоа колку е помала влажноста на медот толку е погуст и поквалитетен и со поголема специфична тежина.Освен тоа медот со помала влажност доколку е херметички затворен нема опасност да скисне.Нејдобро е медот за центрифугирање да биде 90 до 100% поклопен и поради тоа што пчелите при преаботката на нектарот додаваат и некои состојки кои ги лачат од своите жлезди па потоа го поклопуваат.

Нетреба да се брза со центифугирањето на медот.Доколку во природата има нектар во изобилство може да се додаде уште едно медиште и да се сочека претходното да биде целосно поклопено па тогаш да се центрифугира.

Во литературата се среќава дека доколку 2/3 од рамот е поклопен медот може да се центрифугира,меѓутоа треба да се провери густината на медот во делот од рамката што не е поклопен, со едноставно свртување и стресување на рамката.Доколку и при поенергично стресување од рамката нема да тече нектар значи дека отворениот мед е во созревање и дека може да се центрифугира доколу 2/3 е поклопен.Сепак уште еднаш напоменуваме дека нетреба да се брза со центрифугирањето на медот и дека треба да се остави во кошницата да созрее и целосно да биде заклопен од пчелите.Ваквиот мед е со најдобар квалитет и најдолга трајност.

Центрифугираниот мед нетреба веднаш херметички да се затвора.Трба да се покрие со газа и да се остави извесн период да доферментира .Остатоците од восок и некои други состојки кои во вид на пена ќе бидат на површината треба да се отстранат и така чистиот мед треба херметички да се затвори. Значајно е во просториитe каде се чува медот да нема влага поради хидроскопноста на медот и можноста да создаде услови за вриење и укиснување.