На 04.09.2010 година во Битола се одржа седница на Управниот одбор на Сојузот на пчеларски здруженија на Македонија .На дневен ред на седницата претседателот на Сојузот ги извести присутните дека  и покрај повеќето потешкотии конечно е завршена регистрацијата  во Централниот регистар.

Беше констатирано дека веќе со полн законски легитимитет може да се зафати со решавање на проблемите на индивидуалните пчелари во Македонија и дека нема да ги прави грешките на поранешниот Сојузот на пчелари на Македонија и да се сврти исклучиво кон сопственото функционирање и финансирање, поради што овој сојуз и пропадна, туку напротив ќе се сврти исклучиво кон интересите на индивидуалните пчелари разрешувајќи ги нивните проблеми и застапувајќи ги нивните интересите пред државните органи, министерства и институции.

 Од болестите на пчелите покрај проблемите со  вароата  се констатирани подрачја со масовна зафатеност на пчелините семејства со опасниот американски гнилец и дека во оваа насока под итно треба да се превземат потребните мерки на заштита, анимирајки ги пчеларите и надлежните институции.

Се бараа заложби субвенциите на пчеларите да се исплатат во предвидените рокови, а за идната година се предложи пропорционално зголемување на субвенциите зависно од зголемувањето на средствата за развој на земјоделието во 2011 год.

Имаше иницијатива СПЗМ да се зачлени во сојузот на ФФРМ и покрај мислењата на поединци дека формирањето на СПЗМ во основа имаше цел сама да ги донесува и спроведува одлуките и политиките кои ги утврдува што всушност и е основната причина за формирање на сојузот на пчеларски здруженија, инаку здруженијата и сами би се зачленувале во ФФРМ и доколку преку нив ги решаваат своите проблеми нема потреба од постоењето на Сојузот на пчеларски здруженија на Македонија.

Се спомена дека едукацијата на пчеларите е задача на работната група под раководство на Д-р Александар Узунов и Хрисула Кипријанова и дека по предлогот на здруженијата ќе се изберат предавачи за едукација на пчеларите. По оваа прашање треба внимателно да се постапува и да се утврдат доприносите од ваквите предавања и средствата кои се потрошени за нив.

За пчеларските изложби и семи и организацијата при нивната посета беше направено усогласување на датумите со цел да се избегне поклопување на датумите на нивното одржување.

Околу јавната промоција на Сојузот беше споменато учеството на Претседателот на управниот одбор Павле Бошковски на А1 телевизија.

На крајот се зборуваше за акцијата за планско пошумување со медоносни растенија  и обезбедување на нови пашни терени со медоносни растенија кои ќе бидат лесно достапни на пчеларите. По ова прашање е формирана работна група која ќe ја предводи Марјанчо Дончев, а ке има за цел да ја протурка оваа идеја.

Идеата и иницијативата ја промовираше и даде конкретни насоки за нејзино остварување администраторот и уредникот на сајтот www.pcelar.мк

Поздрав до сите вистински, искрени и чесни пчелари каде и да сте !